2 shoferë të pabindur janë ndëshkuar në Kukës pasi kanë bërë drift me makina. Ata janë denoncuar nga qytetarët të cilët janë shqetësuar nga zhurma. Pas denoncimit nga qytetarët, se në qytetin e Kukësit dy shoferët bënin manovra të rrezikshme me makinë, duke rrezikuar përdoruesit e tjerë të rrugës, policia i ka indetifikuar dhe ndëshkuar me masë administrative përkatësisht 20.000 dhe 60.000 lekë.
Njoftimi i policisë:
Bënin drift me makinë por falë bashkëpunimit me qytetarët Policia Rrugore e Kukësit identifikon dhe ndëshkon me masë administrative dy drejtuesit e mjeteve. Pas denoncimit nga qytetarët, se në qytetin e Kukësit dy drejtues bënin manovra të rrezikshme me mjet, duke rrezikuar përdoruesit e tjerë të rrugës, Policia Rrugore e Kukësit ka bërë të mundur identifikimin dhe shoqërimin e tyre në Komisariat.
Në përfundim të veprimeve, drejtuesit e mjeteve janë ndëshkuar me masë administrative përkatësisht 20.000 dhe 60.000 lekë. Policia e Kukësit falenderon qytetarët për bashkëpunimin dhe i fton ata që të denoncojnë çdo rast të paligjshmërisë, në Komisariatin Dixhital ose në numrin pa pagesë 112. Policia e Shtetit vlerëson të domosdoshëm kontributin qytetar dhe garanton reagim të shpejtë e të paanshëm, kundrejt atyre që shkelin ligjin dhe cenojnë jetën e qytetarëve.
