Ende pa konfirmimin e plotë të ekipeve pjesëmarrëse në Botërorin e 2026, tifozët janë duke menduar për mënyrat se si të sigurojnë biletat për ndeshjet. FIFA ka shpallur një sistem të ri të çmimeve dinamike që do të ndikojë ndjeshëm në përfitimin e biletave, sidomos për ato ndeshje që pritet të tërheqin më shumë publik.
Sipas këtij sistemi, çmimet për ndeshjet më të kërkuara do të rriten në mënyrë të konsiderueshme, duke i bërë ato të papërballueshme për shumë tifozë. Përveç kësaj, ndeshjet me rëndësi më të ulët do të kenë çmime rreth 50 euro. Megjithatë, për ndeshjet kryesore, FIFA parashikon se çmimet do të fillojnë nga 50-60 euro dhe mund të arrijnë nivel të lartë, duke e bërë vështirë për shumë të apasionuar pas futbollit që të ndjekin Botërorin nga stadiumi.
Një tjetër ndryshim i rëndësishëm është kategorizimi i vendeve në stadium, ku vendet më afër fushës do të kushtojnë më shumë se ato më qendrore. Kjo do të thotë që tifozët do të detyrohen të paguajnë një çmim të madh për vendet pranë aksionit, pa pasur një garanci për përmirësim të përvojës së tyre.
Faza e parë e shitjes së biletave do të hapet më 10 shtator dhe do të zgjasë deri më 19 shtator, duke u ofruar përparësi mbajtësve të kartave Visa. Tifozët kanë mundësinë të regjistrohen në faqen zyrtare të FIFA-s për të patur shpresën që të zgjidhen dhe të blejnë bileta individuale ose paketa të plota, megjithatë, me çmimet që pritet të jenë më të larta se ndonjëherë, shumë mund të detyrohen të shpenzojnë një pasuri për të ndjekur ngjarjen më të madhe të futbollit në botë.
Kjo situatë po krijon shqetësime për tifozët, duke i bërë ata të reflektojnë nëse do të mund të arrijnë të sigurojnë një vend për këtë ngjarje futbolli që ka emocionuar miliona njerëz anembanë globit.
