Numërimi i votave për diasporën vazhdon, dhe kjo është një fazë e rëndësishme për të përcaktuar se cilët kandidatë do të përfaqësojnë maxhorancën dhe opozitën në Parlamentin shqiptar.
Në kampin socialist, Olta Xhaçka kryeson ndaj Blerina Gjylametit me 69 vota, duke siguruar tashmë një vend në Kuvend. Xhaçka ka arritur 6.039 vota, ndërsa Gjylameti ka 5.970 vota.
Nga ana tjetër, në kampin e Aleancës për Shqipërinë Madhështore, Jorida Tabaku është liderja në listën e hapur, duke siguruar 20.058 vota, ndërsa Ilir Alimehmeti ka mbledhur 17.736 vota. Numërimi i mëtejshëm i votave do të jetë vendimtar për të përcaktuar përbërjen e ardhshme të Parlamentit.
