TIRANA- Me 93% të votave të numëruara në rang vendi po merr formë edhe parlamenti i ri. Nga të dhënat zyrtare të KQZ, projeksionet tregojnë se deri tani Partia Socialiste renditet si forcë e parë me 82 mandate deputeti, ndërsa Partia Demokratike-Aleanca për Shqipërinë Madhështore 52 mandate deputeti.
E treta renditet Partia Social Demokrate, e cila deri më tani parashikon tri mandate, ndërsa më pas, vijnë Nisma Shqipëria Bëhet, Partia Mundësia dhe Lëvizja Bashkë me nga 1 mandat.
