Ish-kryeministri Sali Berisha ka njoftuar se protesta e 12 nëntorit do të mbahet në orën 16:00 në Tiranë. Kreu i PD e bëri me dje këtë gjatë një bashkëbisedimi me qytetarët në Facebook paraditen e sotme.
“Sot ndodhemi në krizë të gjithëanshme. Ndodhemi në një process të ngjashëm me ate të 91, ku shqiptarët e pritën lirinë me eksoda të masave biblike. Por ndodhemi në një proces ku cdo njëri prej nesh të marrë përgjgjegjësitë e tij për një kthesë të rëndësishme.
PD është e përqëndruar në këtë kthesë të madhe, zgjodha të bisedoj me ju për axhendën tonë. Që konsiston në protestën e fuqishme të orës 16:00 të datës 12 nëntor”, u shpreh Berisha.
Ai u bëri thirrje të gjithë demokratëve, për të marrë pjesë në procesin e primareve, ndërsa u shpreh i prerë, duke thënë se nuk tërhiqet nga primaret.
“Sot ne jemi në prag të një zhvillimi madhor, të primareve në Shqipëri. E kuptoj se ato ngjasojnë me një oaz, ku vota është kthyer në fiktivitet. Por rrugë për zhvillimin e vendit nuk ka. Jashtë sistemit të votës së lirë është diktaturë, por jo udhëtim drejt të ardhmes. Të japim shembullin tonë në radhë të parë duke ju dhënë juve të drejtën e vendimmarrjes. Ju ftoj sot, në mënyrë të veçantë zonjave, të rinjve, por dhe përfaqësuesve nga diaspora, të bashkohen në këtë garë, për ta fisnikëruar atë.
Ka pasur zemërthyer hide kritika me primaret, por nuk jam tërhequr dhe nuk tërhiqem, jo se kufizojnë pushtetin tim, por respektojnë dinjitetin tuaj. Ju ftoj që të kontribuoni në suksesin e tyre.”, tha Berisha.
