Detaje nga ngjarja e rëndë që ndodhi mëngjesin e 27 shkurtit në Itali, ku shqiptari, Ledian Sharka, ka gjetur vdekjen në mënyrë të papritur.
Sipas medieve italiane ai ka thënë, “nuk ndihem mirë” dhe një koleg e ka shoqëruar në farmaci.
Por pavarësisht ndihmës, Sharka ka humbur jetën, 38-vjeçari ishte i martuar dhe baba i një vajze 5-vjeçare.
Sharka së bashku me një koleg ishte i angazhuar në punimin e tullave në një shtëpi private, kur u godit nga një sëmundje e papritur.
Me një koleg, 38-vjeçari shkoi në farmacinë e qytetit dhe ndërsa shkëmbente disa fjalë me farmacistin për të shpjeguar arsyen e pranisë së tij, ra përtokë dhe ndërroi jetë.
Prokurori, Fabio Picuti, ka urdhëruar transferimin e trupit në morgun e spitalit, ku do të kryhet autopsia për të zbardhur shkakun e vdekjes së shqiptarit.
Karabinierët e Inspektoratit të Punës nuk kanë konstatuar parregullsi kontraktuale të punëtorit në një kompani të vogël me seli në Castel Del Monte, e menaxhuar nga një sipërmarrës po ashtu nga Shqipëria.
