Me thirrje të forta kundër qeverisë dhe me banderola në duar, nxënëset e shkollës “Mehmet Akif” i janë drejtuar kryeministrisë, për të çuar zërin e tyre të protestës poshtë zyrës së kryeministrit Edi Rama.
Me pankarta dhe thirrje si: “Mbyll një derë shkollë, hap një derë burgu’ apo ‘Po godisni brezin e ardhshëm’, protestueset ecën përgjatë Rrugës së Durrësit drejt kryeministrisë, duke kundërshtuar kështu vendimin për mbylljen e shkollës së tyre.
Më herët ato ishin në protestë para Ministrisë së Arsimit.
Ata, duke treguar kupat dhe medaljet e fituara, kërkojnë që të tërhiqet vendimi i qeverisë dhe kjo shkollë e mesme nga më cilësoret në vend, të vazhdojë mësimin duke e konsideruar si të pavërtetë justifikimin e dhënë nga Ministria e Arsimit për mbylljen e saj.
