GAZA- Një adoleshent palestinez ka mbetur i verbër në njërin sy pasi u qëllua nga forcat izraelite teksa përpiqej të siguronte ushqim për familjen e tij në një nga pikat e shpërndarjes së ndihmave në Gaza. 15-vjeçari Abdul Rahman Abu Jazar ishte pranë një vendi të menaxhuar nga Organizata Globale Humanitare (GHF), e mbështetur nga SHBA dhe Izraeli, kur ndodhi sulmi.
“Isha me tre persona të tjerë. Sapo filluam të vraponim, ata hapën zjarr. Ishte hera ime e parë që shkoja në pikën e shpërndarjes. Nuk kishim ushqim në shtëpi. Ndjeva sikur elektricitet përshkoi trupin tim… U rrëzova përtokë dhe mendova se ishte fundi im,” rrëfeu adoleshenti për Al Jazeera.
Adoleshenti thotë se të shtënat nuk pushuan edhe pasi u plagos, duke shtuar se ushtarët izraelitë vazhduan të qëllonin pavarësisht thirrjeve të dëshpëruara që ai të kthehej pas. Ngjarja vjen në një kohë kur dhjetëra mijëra njerëz në Gaza janë në kërkim të ushqimit, ndërsa ndihmat humanitare vazhdojnë të bllokohen.
“U frikësova dhe fillova të recitoja lutje,” shprehet 15-vjeçari.
