THETH- Pronarja e restorantit që u dogj gjatë natës në Theth, Aida Gjecaj ka folur për mediat teksa ka treguar se kur ndodhi ngjarja ajo ndodhej në Tiranë për punë administrative. Gjecaj tha se u njoftua rreth orës 02:00 se në subjektin e saj kishte rënë zjarr. Ajo tha se fqinjët kanë ndërhyrë dhe kanë shuar flakët, por nuk kanë arritur të shpëtojnë asgjë.
Ajo u shprehe se subjekti i saj e merrte energjinë nga panelet diellore. Gjithashtu Gjecaj u shpreh se ai subjekt ka mbi 12 vite që operon dhe se gjithçka është me leje. Ajo tha se kostoja e ndërtimit të subjektit që ka përfunduar vitin e kaluar është afërsisht 150 mijë euro.
Pronarja shtoi se nuk ka konfliket me askën dhe se aksioni për shembjet e ndërtimeve është një koecidencë e keqe me rastin e saj. Ajo tha se përjashton incidentin nga ndonjë shkëndijë elektrik dhe se rastin ia le në dorë drejtësisë.
Deklarata e Aida Gjecajt për mediat:
Nuk kam dijeni. Pasi mbrëmë isha në Tiranë për punë administrative. Kur më kanë njoftuar në dy të natës se kishte rënë zjarr në subjektin tim. Erdhëm, komshinjtë kanë fikur zjarrin, nuk kanë arritur të shpëtojnë gjë. Ishte restorant me panele diellore. Dhe ishte e pamundur që të fikej, zjarrfikësja nuk ka arritur të vijë në kohë. Gjithsesi ka ardhur, ka bërë pjesën e saj të fundit. Falenderoj komshinjtë që kanë dhënë ndihmën e parë dhe për të evituar që zjarri të përcillej në godina të tjera, që janë kuzhina dhe bujtina. Nuk ka pasur dëme në njerëz. Falë zotit jemi mirë sa i përket jetëve njerëzpre ndërsa hekurat shkojnë dhe vijnë. Restoranti është në pronësinë time si Aida Gjeçaj.
Kemi mbi 15 vite që operojmë në këtë sektor. Ndër bujtinat e para që kemi punuar dhe promovuar Thethin në këto vite. E vetmja gjë që ekspertët kanë konfirmuar është se energjia elektrike nuk është shuar edhe pse godina kishte marrë flakë, gjë që përjashton incidentin nga ndonjë shkëndijë elektrike. Kështu që për shkaqe të tjera nuk kam dyshime, sepse nuk kam askujt borxh, s’kam asnjë konflikt apo kërcënime. Nuk e di nga se mund të ketë ardhur. Kemi vetëm 5 dhoma në pronësi, pasi nuk kam dashur të ndërtoj asnjë gjë pa leje. Nuk e di ku ta vë gishtin. Nuk e di, koeicidenca është e keqe.
Thashë nuk kam procedim për prishje sic mund të kenë një pjesë e banorëve sepse s’kam marrë veprime për ndërtime që mund të penalizohesha. Kam zgjedhur të punoj në nivel të ulët, me restorantin, me një kuzhinë të hapur, me 5 dhoma. Dëmi i shkaktuar në këtë godinë, e cila është ekologjike, është një strukturë parafabrikat, kostoja e ndërtimit të saj që e kemi përfunduar vitin e kaluar është afërsisht 150 mijë euro. Kështu që dëmet janë vetëm materiale, dëme kanë çdokush me dashje apo pa dashje. Përderisa nuk është energjitike, ia lë në dorë drejtësisë dhe ata që janë eksperta këtë punë. Ua lëmë atyre në dorë. Duke qenë se familjarisht jemi të lidhur me drejtësinë, ia kemi besuar. Besojmë te ligji dhe shteti dhe nuk e di, presim që veprimet të bëhen dhe e vërteta herët a vonë do të dalë.
