Grupi parlamentar i Partisë Demokratike në mënyrë unanime kishte vendosur që të ngujohej në selinë blu dhe të mos e linin deputetin Ervin Salianji që të dorëzohej në Polici, duke e konsideruar vendimin e Gjykatës së Apelit si një hakmarrje politike të Edi Ramës dhe Fatmir Xhafajt.
Por, vullneti i vetë Ervin Salianjit ka qenë që të vetëdorëzohet në Polici dhe grupi parlamentar ka respektuar vendimin e tij.
Këtë gjë e ka konfirmuar kreu i grupit parlamentar të PD-së, Gazment Bardhi në një konferencë për mediat. Sipas tij, Salianji ka zgjedhur që të përballet me të keqen edhe me koston të shkojë në burg pa prova.
Bardhi deklaroi se kjo sakrificë e Salianjit, sakrificë në emër të çdo demokrati do duhet të shërbejë si këmbanë alarmi për cilindo prej nesh.
Kujtojmë se Ervin Salianji u dënua ditën e djeshme me 1 vit burgim nga Gjykata e Apelit për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj. Ai do të vetëdorëzohet në Drejtorinë e Policisë së Tiranës në orën 17:00.
Bardhi: Dua të ndaj me ju qëndrimin e grupit të PD-së lidhur me vendimin e djeshëm politik të urdhëruar nga Rama në seancën plenare 12 shtator 2024, dhe të shkruar ditën e djeshme nga një trup e Gjykatës së Apelit. Vendimi i djeshëm nuk është as më shumë as më pak por një akt i mirëfilltë hakmarrje e grupeve kriminale ndaj një deputeti të opozitës që ka patur guximin të tregoj gishtin lidhje me krimin e organizuar të pushtetit vëllai i ministrit të brendshëm, Geron Xhafaj që shëtiste i lirë edhe pse i dënuar për trafik ndërkombëtar shkoi në burg. Hakmarrja politike e kthyer në vendime gjykatash i jep më së miri, edhe pse jemi anëtar u NATO-s, nuk ka shtet ligjor. Nuk ka demokraci.
Qëndrimi i grupit të PD-së është që nuk duhet të pajtohemi, nuk duhet të nënshtrohemi. Qëndrimi unanim i të gjithë kolegëve ka qenë kërkesa që Salianjit të mos e zbatojë vendimin politik të Ramës. Vendimi unanim i grupit parlamentar është detyra jonë e gjithë grupit parlamentar. Sot u dënua çdo anëtar i grupit të PD-së, çdo qytetar i Shqipërisë që ka vendosur të jetojë në këtë vend. Prandaj dhe grupi sugjeroi ngujimin pa afat të të gjithëve deputetëve në seli e PD-së. Pa dyshim ishte vendim politik i grupit.
Por krahas vendimit politik jemi detyruar të respektojmë vendimin personal të Salianjit që të përballet me të keqen edhe me koston të shkojë në burg pa prova. Kjo sakrificë e Salianjit, sakrificë në emër të çdo demokrati do duhet të shërbejë si këmbanë alarmi për cilindo prej nesh. Kur një deputet i opozitës çohet në burg si shenjë hakmarrje e Edi Ramës rrezik për këdo. Me vendimin e djeshëm nuk ka rënë vetëm shteti ligjor.’p
