TIRANA– Në Gjykatën e Posaçme kundër Korrupsionit dhe Krimit të Organizuar (GJKKO) po zhvillohet seanca gjyqësore për atentatin e ndodhur në nëntor të vitit 2019 ndaj ish-prokurorit Arjan Ndoj, në mbikalimin e Shkozetit, ngjarje ku u plagos Aleksandër Laho, i njohur si “Rrumi”, dhe humbi jetën shoferi Andi Maloku. Dy të akuzuarit, Julian Meçaj dhe Plarent Dervishaj, kanë deklaruar gjatë seancës se po u cenohet e drejta për një proces të rregullt ligjor.
Dervishaj deklaroi gjatë fjalës së tij, se po dënohet vetëm njëra palë ndërsa pala tjetër sipas tij është e lirë. Ai shtoi se e ka ndihmuar Zoti në atë atentat pasi kishte makinën e djalit, ndërsa shton se Andin se ndihmoi, pasi fatkeqësisht ai ndërroi jetë si pasojë e plagëve.
Plaurent Dervishaj: Ju kërkoni të na dënoni apo të zbardhni ngjarjen. Po dënohet vetëm një pale, ndërsa pala tjetër është e lirë, këtu nuk është cilësuar ende kush ka qenë shënjestër. Për ngjarjen time të qershorit, unë e quaj fat qe ne kemi qene në atë makine kemi shpëtuar sepse kam pasur dhe makinën e djalit. Mua më ndihmoj zoti ndërsa Andi Malokun se ndihmoi. Nuk po kërkoj mëshire nga ju në lidhje me këtë çështje, na dënoni për atë që kemi në kurriz jo për ato që si kemi.
Julian Meçaj: Kanë ardhur të gjithë këta dëshmitarë kur asnjëri prej tyre as me njeh dhe as i njoh, unë tani s’po di të mbroj vetën time. Nuk ka logjikë e gjitha, këtu shkelet parimi i procesit të drejtë ligjore, unë s’e kuptoj për çfarë vijnë.
