Kreu i Partisë së Lirisë, Ilir Meta, ka ndarë një pjesë nga fjala e tij një ditë më parë me strukturat e PL në Korçë.
Ish-presidenti Meta shprehet se në këtë betejë, PL nuk është vetëm për çështje pushteti por për një ndryshim në themel për të vendosur dinjitetin dhe për të mbrojtur të ardhmen e vendit.
“Jemi për një mision. Nuk jemi thirrje për një rrotacion. Nuk jemi thjesht për ndarje pushteti. Jemi për një ndryshim me themel. Jemi për të vendosur dinjitetin dhe sovranitetin e popullit të Shqipërisë.
Beteja jonë nuk çështje pushteti. Beteja jonë është për të mbrojtur të ardhmen e kombit tonë, që është vënë seriozisht në pikëpyetje nga një grupim aventurierësh që synojnë shtypjen, varfërimin dhe largimin e shqiptarëve”, thotë Meta.
