Ish-futbollisti i Shqipërisë, Redi Jupi tani në rolin e analistit foli pas barazimit të Shqipërisë kundër Serbisë.
“Unë jam i dënuar të jem koherent. Ishim afër fitores me aksionin personal të Hysajt dhe mund ta fitonim ndeshjen. Ishte e ekuilibruar dhe të jesh kështu në ndeshje që ishte favorite Serbia, kjo është gjë e mirë. Harroji serbët ata super të talentuar, nuk janë më tani, kanë lojtarë normalë, mbi mesatare, dhe jo ashtu siç kemi më parë. Dalim me bindje që mund të fitojmë në Beograd, nuk shkojmë atje të mundur, kemi mjetet në dispozion atje ku do të luhet, se nuk është vendosur ku do të luhet. Silvinjo mund ta bënte pak më mirë sot në pjesën e dytë, Broja nuk ishte në momentin e tij më të mirë, por Silvinjo po iu kërkonte të gjithëve ti shërbenin atij. Por më pas e ndryshoi. Ne nuk kishim rrezik nga ata me gjysmë raste. Pse duhet të merrnim masa për tu mbrojtur kur mund të fitonim ndeshjen” deklaroi Jupi për “Super Sport”.
