TIRANË- Kryeministri Edi Rama në fjalën e tij para punonjësve të bashkisë Tiranë ka folur në lidhje me arrestimin e kryebashkiakut, Erion Veliaj. Rama u shpreh se nuk i takon të thotë nëse Veliaj është i pafajshëm apo jo.
Ai shtoi se barra e punonjësve të bashkisë është që makineria e bashkisë mos të fiket asnjë minutë. Rama theksoi se derisa çështja e kryetarit të marrë drejtim, vëmendja e tij për qytetarët e Tiranës do jetë e pandërprerë.
“Kush udhëheq nuk duhet lëkundur nga asnjë dhimbje, përndryshe gjithçka ndryshon për keq. Në 2013 nga ndërpreja e dritave, Tirana dukej si varrezë. Nuk më takon të them nëse lali Eri është i pafajshëm apo jo. Barra juaj është që makineria e bashkisë së Tiranës të mos fiket asnjë minutë. Derisa çështja e kryetarit të marrë drejtim, vëmendja ime për qytetarët e Tiranës do jetë e pandërprerë,” tha Rama.
