Flamur Noka pas mbledhjes së drejtuesve politikë të PD-së në qarqe në një deklaratë për mediat u shpreh se ishte për të përcaktuar shinat e punës.
Padiskutim, riorganizimi dhe vitalizmi i partisë, do të jetë paralelisht me nisjen e protestave masive për largimin. Nga dita e nesërme, drejtuesit do të jenë në bazë me dy plane pune. Energjizimin e partisë dhe përgatitjen për protesta, si rruga e vetme për të detyruar regjimin për krijimin e një qeverie teknike.”, u shpreh Noka.
Më pas ai tha që drejtuesit morën detyrat e tyre sipas qarqeve që janë shpërndarë dhe do të zbresin në terren.
