Mbrëmjen e kësaj të enjte, Kombëtarja shqiptare do të përballet me Andorrën në ndeshjen e parafundit të kualifikuesve për Botërorin 2026, një sfidë me rëndësi të veçantë për skuadrën e drejtuar nga Sylvinho, e cila synon të sigurojë një vend në fazën e playoffit.
UEFA ka përcaktuar klasën arbitrare për këtë takim, e cila do të përbëhet nga arbitrues rumunë, ashtu si edhe në ndeshjen e kaluar me Serbinë. Arbitrimi i ndeshjes do t’i besohet Horatiu Fesnic si kryesor, ndihmuar nga asistentët Valentin Avram dhe Alexandru Cerei, ndërsa Rares Vidican do të ushtrojë detyrën si arbitër i katërt. Po ashtu, në sallën VAR do të jenë Ovidiu Haţegan si arbitër kryesor dhe Adrian Costreie si ndihmës.
Fesnic ka drejtuar këtë sezon tri ndeshje në Europa League dhe një në Conference League. Ndeshja me Andorrën do të jetë debutimi i tij si arbitër kryesor për Kombëtaren shqiptare. Ai ka qenë në rolin e arbitrit të katërt në ndeshjen delikate me Serbinë më 11 tetor, ku arbitër kryesor ishte Istvan Kovacs.
Kjo përballje ka një rëndësi të madhe për shqiptaret, dhe të gjithë sytë do të jenë përqendruar në performancën e skuadrës dhe në drejtësi të arbitrazhit, në një moment vendimtar për ambiciet e tyre në kualifikim.
