Në vijim të informacionit mbi aksidentin në aksin rrugor “Bushat-Mjedë”, specialistët e Sektorit të Qarkullimit Rrugor kanë dërguar materialet në Prokurori për procedimin e shtetasit K. D., 71 vjeç, banues në fshatin Stajkë. Ai ka përplasur nga pas rimorkion e një kamioni të drejtuar nga shtetasi Sh. L. K. D. po udhëtonte me një motomjet pa leje drejtimi dhe si pasojë e aksidentit ka pësuar lëndime, për të cilat aktualisht po merr mjekim në Spitalin e Traumës.
Ndërkohë, specialistët e Qarkullimit Rrugor arrestuan një të ri, R. H., 18 vjeç, banues në Shkodër, për shkak se në rrugën “Hoxha Tasim” ai përplasi dy automjete të parkuara dhe këmbësorin K. H., 75 vjeç, i cili u dëmtua lehtë. Pas aksidentit, R. H. u largua nga vendngjarja, por më pas u kap nga policia.
Në një tjetër rast, specialistët për Hetimin e Krimeve Ekonomiko-Financiare i referuan Prokurorisë një rast të veçantë. Shtetasja E. L., 35 vjeçe, po përballet me procedim penal për moslëshimin e kuponit tatimor dhe fshehjen e të ardhurave. Ajo ushtroi aktivitetin në një lokal dhe lëshoi fatura të paregjistruara, duke përdorur pajisje kompjuterike dhe një sistem të pafiskalizuar. Faturat e sekuestruara do të shërbejnë si prova materiale.
Materialet e të dyja rasteve janë dërguar në Prokurorinë pranë Gjykatës së Shkallës së Parë të Juridiksionit të Përgjithshëm në Shkodër për veprime të mëtejshme.
