Një 40-vjeçar shqiptar është dënuar me 17 vite burg nga Gjykata e Selanikut, për akuzat e përdhunimit, dhunës fizike dhe kërcënimeve ndaj bashkëshortes së tij, ngjarje këto që ndodhën në prani të fëmijëve të mitur. Ngjarja ka filluar në mars të vitit të kaluar, kur gruaja, 30 vjeçare, vendosi të denonconte bashkëshortin pas një periudhe abuzimi.
Në kallëzimin e saj, ajo pretendon se ai e kishte abuzuar fizikisht dhe seksualisht, duke përfshirë raste të tilla që ndodhën në sy të fëmijëve. Pas arrestimit të tij, autori u lirua me kusht dhe vazhdoi të gjykohej në gjendje të lirë. Në dëshminë e tij, ai mohoi akuzat për përdhunim, duke pranuar vetëm se e kishte goditur me shuplakë bashkëshorten.
Pas shqyrtimit të provave, Gjykata vendosi të shpallë fajtor 40-vjeçarin, duke e dënuar me 17 vite dhë burgu. Gjykata theksoi se, pavarësisht mundësisë së një apelimi, vendimi do të hyjë menjëherë në fuqi dhe do të ketë efekt pezullues, duke detyruar të akuzuarin të shkojë menjëherë në burg për të vuajtur dënimin.
Ky rast thekson problemet e vazhdueshme të dhunës familjare, dhe trajtimin e këtij fenomeni nga institucioneve ligjore, si dhe rëndësinë e denoncimit nga viktimat për të siguruar drejtësi.
