Zyrtarët bullgarë të doganave gjetën më shumë se një milion euro para në dorë gjatë një kontrolli në një autobus që po largohej nga vendi. Më 11 qershor 2022, në pikën e kontrollit mbërriti një autobus me targa turke që udhëtonte nga Gjeramnia për në Turqi, nëpërmjet Bullgarisë.
Shoferi i autobuzist ishte shtetas turk, bashkë me të ndodheshin dy drejtues të tjerë dhe dy pasagjerë. Sipas metodës së analizës autobusi ndalohet për një kontroll të plotë doganor, duke përfshirë rrezet X. Gjatë kontrollit doganor u gjet një kasafortë e ndërtuar posaçërisht për fshehje në të cilën ishin fshehur 34 pako me kartëmonedha euro të prerjeve të ndryshme.
Doganierët bullgarë filluan një procedurë të shpejtë për rastin në fjalë nga ana e një inspektori nën mbikëqyrjen e Prokurorisë së Qarkut Haskovo – Departamenti Territorial i Svilengradit. Prokuroria ka akuzuar një nga pasagjerët N.T, 57 vjeç dhe një nga drejtuesit, B.C, 50 vjeç.U zbulua se N.T e kishte bindur B.C që t’i siguronte atij një vend për të fshehur shumën që kishte sjellë, duke i premtuar se do t’i jepte 500 euro.
