Ceremonia e 83-të e Golden Globes u zhvillua me duartrokitje te jashtëzakonshme, duke u fokusuar në dy krijime kryesore: filmi “One Battle After Another” nga Paul Thomas Anderson dhe serialin “Adolescence” të Netflix, të cilët secili fitoi nga katër çmime.
Filmi i Anderson u shpall si komedia/muzikali më i mirë, ndërsa ai vetë u nderua me çmimet për regjinë dhe skenarin më të mirë, duke shënuar fitoren e tij të parë në këtë ceremoni. Aktorja Teyana Taylor fitoi çmimin për rolin më të mirë femëror mbështetës, duke e dedikuar çmimin grave dhe vajzave me ngjyrë.
Seriali “Adolescence” u shpall seriali më i mirë i kufizuar, ndërsa Stephen Graham fitoi çmimin për aktorin më të mirë dhe Owen Cooper e Erin Doherty për rolet mbështetëse. Drama “Hamnet” e fitoi çmimin për filmin më të mirë dramatik, me Jessie Buckley si aktoren më të mirë kryesore. Steven Spielberg vlerësoi kontributin e regjisores Chloé Zhao në suksesin e filmit.
Timothée Chalamet mori Golden Globe-in e tij të parë si aktori më i mirë në komedi për filmin “Marty Supreme”, duke u bërë fituesi më i ri në këtë kategori.
Pjesa tjetër e çmimeve të rëndësishme u ndanë si më poshtë: Wagner Moura u shpall aktori më i mirë dramatik për “The Secret Agent”, Rose Byrne si aktorja më e mirë në komedi, Stellan Skarsgård si aktori më i mirë mbështetës, dhe Jean Smart si aktorja më e mirë në serial komedi për “Hacks”.
Ceremonia, që u prezantua nga Nikki Glaser për të dytin vit radhazi, u shoqërua edhe me mesazhe politike dhe sociale, duke dëshmuar për angazhimin e artistëve në temat e rëndësishme shoqërore.
Nominimet për Oscar 2026 shpallen më 22 janar, ndërsa ceremonia e ndarjes së çmimeve do të mbahet më 15 mars.
