Konkurrenti i dytë që hyri sot në shtëpinë më të famshme në Shqipëri, pas aktores Olta Gixhari është Krist Aliaj Dragot. 32 vjeçari simpatik dhe i lakmuar nga vajzat e prezantoi veten si një njeri që kërkon gjithmonë të vërtetën dhe… urren të lajë enët. (E po ndoshta kjo do të jetë përplasja e parë me Oltën , përderisa edhe ajo kishte këtë ‘problem’).
Nëse do më duhej një titull dokumentari për jetën time tha ai, do të ishte ‘Ditari i një ujku të vetmuar’, ndërsa një nga arsyet përse po i bashkohet BB VIP është dëshira për më shumë influencë.
“10 nga 10, do jetë perfekte kjo eksperiencë besoj. Do jetë ndryshim i madh për mua për shkak të jetës që kam jashtë, por besoj se do ia dal”, tha Kristi sapo hyri në shtëpinë e Big Brother.
