Sipas tmz.com, Nick Reiner, 32 vjeç, u diagnostikua me skizofreni disa javë para vrasjeve të prindërve të tij, Rob dhe Michelle Reiner. Ilaçet që ai merrte, sipas burimeve, e bënin atë të sillej në mënyrë “çrregullt dhe të rrezikshme”. Ai ishte nën kujdesin e një psikiatri dhe sjellja e tij ishte bërë “shqetësuese” në periudhën para krimeve.
Nick ishte shtruar në një qendër rehabilitimi të shtrenjtë në Los Angeles, e specializuar në trajtimin e problemeve mendore dhe abuzimit me substanca. Raportet tregojnë se abuzimi me substanca kishte përkeqësuar gjendjen e tij mendor, dhe tre deri në katër javë para vrasjeve, mjekët i kishin ndryshuar ilaçet pasi ai “e humbi plotësisht mendjen”. Ai po përpiqej të përshtatej me ilaçet e reja, të cilat ishin të planifikuara për të stabilizuar gjendjen e tij.
Pas ngjarjeve tragjike, pritet që Nick Reiner të deklarohet i pafajshëm në gjykatë për shkak të gjendjes së tij mendore.
