Një studente 24-vjeçare nga Norvegjia, e cila jeton në Milano, ka raportuar një sulm seksual që ka ndodhur në tualetet e stadiumit “San Siro” gjatë ndeshjes Itali–Norvegji. Sipas raportimeve të Corriere della Sera, ngjarja ka ndodhur kur ajo u largua për pak nga shoqet e saj, ndjehej e shqetësuar.
Vajza, e emocionuar dhe me lot në sy, ka deklaruar se është prekur nga një pastruese e identifikuar si një 25-vjeçare me origjinë egjiptiane, e cila punon për kompaninë që mirëmban stadiumin. Ajo u shoqërua menjëherë në komisariatin brenda arenës dhe aktualisht është në hetim për sulm seksual.
Sipas denoncimit, studentja hyri në tualet pa shoqeri, ndërsa shoqja e saj priste jashtë. Ajo tha se ndjeu një dorë që i rrëshqiti në pantallona dhe, kur u kthye, pa pastruesen të largohej. Ajo kërkoi ndihmë tek rojet e sigurisë, që identifikuan të dyshuarën dhe e çuan në stacionin e policisë në stadiumin “Meazza”.
Pastruesja e akuzuar ka mohuar aluzionet, duke thënë se ajo ishte në tualet për detyrë dhe iu afrua vajzës për ta pyetur për gjendjen e saj, e cila dukej e shqetësuar. Ajo gjithashtu nuk ka precedentë penalë.
Prokuroria e Milanos ka nisur një hetim për sulmin seksual. Autoritetet po mbledhin prova dhe po verifikojnë veprimet e të dyshuarës, si dhe rrethanat që shoqëruan ngjarjen. Hetimi do të vazhdojë, dhe pozita e pastrauses do të vlerësohet në bazë të provave dhe dëshmive që do të dalin.
