Një ngjarje e rëndë ka ndodhur në Korçë, ku një djalë 16-vjeçar është arrestuar nën akuzën e përdhunimit. Ai akuzohet se ka kryer marrëdhënie seksuale me dhunë me një vajzë 15-vjeçare, gjithashtu nga Korça.
Sipas burimeve, e mitura kishte bashkëjetuar me 16-vjeçarin për disa ditë, duke qenë në një lidhje me të, një fakt që ishte në dijeni edhe e nënës së saj. Fillimisht, e mitura ka raportuar se djali kishte ushtruar dhunë fizike, por më vonë ka pretenduar se ka ndodhur një përdhunim.
Grupi hetimor është angazhuar për të zbuluar më tej detajet e këtij rasti, pasi dyshohet se janë të përfshirë edhe persona të tjerë. Nga ana tjetër, 15-vjeçarja ndodhet në një gjendje të rënduar psikologjike dhe po mbahet nën vëzhgim të psikologëve.
Policia vazhdon hetimet për këtë ngjarje të rëndë, e cila ka trazuar opinionin publik dhe ka ngritur shqetësime për sigurinë e të rinjve në komunitet.
