Leonard Gjini 32-vjeç është lënë në burg gjykata e Fierit. Gjini u arrestua pas shpërthimit që tronditi Lushnjën disa ditë më parë, ku mbetën të vdekur babë e bir dhe u plagosën shtatë të tjerë, mes tyre edhe deputeti i Partisë Socialiste, Bujar Çela.
32-vjeçari është personi i kontraktuar për kryerjen e punimeve. Gjini akuzohet për shkelje të rregullave në punë me pasoja të rëndë.
Gjini ka shpjeguar se ka një biznes me aktivitet ndërtimi dhe zbatim projektesh me konstruksion beton dhe hekur. Sipas dosjes hetimore, rezulton se me 27 nëntor 2023, ai ka lidhur një kontratë sipërmarrje me Bujar Cela për ndërtimin e magazinës, e cila ishte e pajisur me leje ndërtimi Nr200 dt 19.09.2023.
