Gjykata ka vendosur masën e arrestit 40 ditor për mësuesin nga Tepelena, Kleanth Laçi, i cili akzuohet se ka ngacmuar dy shtetase të mitura.
Mësohet se para trupës gjykuese Laçi ka mohuar se ka ngacmuar seksualisht nxënëset e tij.
Gjykatësja Suela Dashi është njohur me ngjarjen përmes prokurores Edlira Manelli e cila nga ana e saj ka kërkuar burg pa afat për mësuesin e edukimit fizik në shkollën 9-vjeçare “Avni Rustemi” në qytetin e Tepelenës.
Pas paraqitjes së provave, gjykatësja Suela Dashi ka dhënë vendimin me 40 ditë paraburgim ndaj Kleanthi Laçit i cili këtë dënim do ta vuajë menjëherëpasi te dalë nga spitali rajonal i Gjirokastrës nga ku dhe kurohet pas dhunës së ushtruar ndaj tij të dielën e kaluar prej vëllait të njërës prej minoreneve të pretenduara se është ngacmuar seksualisht prej mësuesit.
Ndërkohë, ditën e djeshme u la i lirë Alvi Gumeni, i cili disa ditë më parë dhunoi mësuesin Laçi, pasi pretentonte se ky i fundit i kishte ngacmuar motrën e mitur.
Kujtojmë se 29 vjeçari deklaroi në momentin e dorëzimit të tij, se kishte ardhur nga emigracioni vetëm se motra e tij i kishte rrëfyer se Kleanth Laçi e kishte ngacmuar seksualisht.
