Nga sulmi me grusht ndaj Berishës te mesazhet e pjesëmarrësve! Opozita mbylli protestën në Bulevard, çfarë ndodhi gjatë dy orëve

Ditën e sotme është mbajtur protesta e opozitës në Tiranë, ditë e cila përkonte edhe me Samitin e BE-Ballkani Perëndimor.

Në protestën e opozitës morën pjesë mijëra qytetarë, të pajisur me pankarta në duar dhe me fjamuj të Bashkimit Europian dhe vendeve të Perëndimit.

 

Gjatë marshimit në Bulevard, ndodhi edhe një incident i papritur, ku kryetari i Partisë Demokratike, Sali Berisha, u sulmua me grusht në fytyrë nga një aggressor i pranishëm atje.

 

Agresori u kap menjëherë nga simpatizantët e Berishës dhe u shoqërua fillimisht në Selinë e PD-së e më pas në polici. Pavarësisht grushtit dhe gjakut në fytyrë, Berisha vijoi me axhendën e tij, ku u ngjit në podium dy herë për të mbajtur fjalim, një herë në nisje dhe një herë në përfundim.