TIRANA- Kandidatja e PS-së në listën e mbyllur të Vlorës Zamira Sina u shpreh sot se nuk ndihet keq ta pranoj se Edi Rama, sipas saj shihet më larg se grupimi i dikurshëm i PD-së ku ajo bënte pjesë. Pedagogia dhe dekania Sina ka qenë një ndër “banoret” më stoike të çadrës së Lulzim Bashës para kryeministrisë në vitin 2017. Në një intervistë për “Top Story” në Top Channel, Sina tha se mandatet e Ramës konkretizuan shumë gjëra.
Zamira Sina: Jam angazhuar politikisht pas vitit 2013. Gjatë periudhës 2017 kam qenë një zë intelektual opozitar. Gjatë asaj periudhe kam votuar ish-partinë tonë Grida (PD).
Ndihesh e shpërblyer tani?
Zamira Sina: Nuk më vjen keq ta pranoj publikisht se Edi Rama shihte më larg se në atë çadër. Mandatet e Ramës konkretizuan shumë gjëra, por edhe për sa i përket investimeve që qeveria e tij bëri për Vlorën. Ndoshta në atë periudhë, arsimit të lartë ende nuk i kishte ardhur radha, flas në anën financiare.
Ke një zonë gjeografike në Vlorë?
Zamira Sina: Ende nuk jemi ndarë. Presim zotin Çuçin të bëjë një mbledhje me deputetët e qarkut Vlorë dhe më pas të ndahemi në bazë të zonave.
