Kryeministri izraelit Benjamin Netanyahu ka deklaruar se Izraeli nuk do të heshtë përballë akuzave nga Spanja, duke akuzuar këtë të fundit për shpifje ndaj ushtarëve të Forcave Mbrojtëse të Izraelit, të cilët ai i quajti “ushtria më morale në botë.” Netanyahu theksoi se Spanja ka zgjedhur të qëndrojë kundër Izraelit duke vendosur të largohet përfaqësuesit spanjollë nga qendra e koordinimit në Kiryat Gat.
Ai shtoi se ata që sulmojnë Izraelin, në vend të regjimeve terroriste, nuk do të jenë partnerë të tij në të ardhmen e rajonit. Kryeministri shprehu se nuk është i gatshëm të tolerojë hipokrizinë dhe armiqësinë, duke paralajmëruar se nuk do të lejojë asnjë vend të zhvillojë një luftë diplomatike kundër Izraelit pa paguar çmimin e duhur.
Marrëdhëniet mes Izraelit dhe Spanjës janë përkeqësuar gjatë dy viteve të fundit, veçanërisht pas shprehjes së pakënaqësisë nga qeveria spanjolle për situatën në Gaza. Muajin e kaluar, Spanja tërhoqi përfundimisht ambasadorin e saj nga Izraeli dhe dërgoi një ambasador tjetër në Iran.
