Kryeministri izraelit, Benjamin Netanyahu, reagoi pas sulmit ndaj shtëpisë së tij në Caesarea, duke deklaruar se “asgjë nuk do ta ndalojë” dhe se Izraeli “do të fitojë këtë luftë”. Në një video të publikuar teksa ecte në park, ai nënvizoi se vendi është në një “luftë ekzistenciale” dhe theksoi krenarinë për ushtarët dhe qytetarët izraelitë.
Së fundmi, një dron që ishte lëshuar nga Libani shpërtheu pranë shtëpisë së Netanyahu, por ai dhe bashkëshortja e tij nuk ishin të pranishëm në momentin e incidentit.
Forcat Mbrojtëse të Izraelit njoftuan se droni ishte një nga tre të lëshuar, ndërsa dy të tjerët u rrëzuan. Ushtria po heton gjithashtu dështimet e mundshme të sistemit të paralajmërimit të Izraelit.
