Sami i Romës ndërmjet Italisë dhe Shqipërisë, që do të zhvillohet të enjten, ka si çështje kryesore mbrojtjen, industrinë dhe emigrantët. Ky samit, i pari i këtij lloji, do të mbledhë qeveritë e dy vendeve fqinje në krye me kryeministrat Edi Rama dhe Giorgia Meloni.
Mediat italiane kanë theksuar rëndësinë e këtij takimi në kontekstin e procesit të integrimit të Shqipërisë në Bashkimin Evropian, duke përmendur se vendi është në listën e pritjes për anëtarësi dhe po bën përpjekje për të adresuar boshllëqet strukturore. Takimi do të ofrojë mundësinë për të shqyrtuar bashkëpunimin dypalësh dhe për të identifikuar sektorët kyç si mbrojtja, energjia, migracioni dhe shëndetësia.
Në sektorin e mbrojtjes, Italia ka planifikuar të ofrojë pajisje dhe teknologji, ndërsa do të ndërtohet infrastuktura detare në Shqipëri për ndërtimin dhe mirëmbajtjen e anijeve. Sa i përket energjisë, bashkëpunimi do të zgjerohët në përputhje me marrëveshjen trepalëshe të nënshkruar në Abu Dhabi, që parashikon prodhimin e energjisë rinovuese dhe lidhjen nënujore midis Italisë dhe Shqipërisë.
Përsa i përket migracionit, do të krijohet një grup i përbashkët pune për të thelluar bashkëpunimin në luftën kundër imigracionit të parregullt dhe për të rritur kapacitetet e patrullimit detar të Shqipërisë. Takimi do të adresojë gjithashtu fusha të tjera si kujdesi shëndetësor dhe zhvillimi ekonomik e infrastrukturor.
Ky samit pritet të ketë një impakt të konsiderueshëm mbi marrëdhëniet mes dy vendeve dhe do të shërbejë si një hap përpara në forcimin e partneritetit strategjik mes Romës dhe Tiranës.
