SKOCI- Presidenti amerikan Donald Trump ka komentuar sërish situatën e Serbisë me Kosovën. Gjatë takimit me kryeministrin britanik Keir Starmer në Skoci Trump tha se ka shumë armëpushime në botë dhe se nëse ai nuk do të ishte në detyrë, do të zhvilloheshin gjashtë luftëra. Ai tha se “Serbia dhe Kosova janë një tjetër.”
“Serbia dhe Kosova janë një tjetër. Kemi shumë pika të nxehta që ishin luftë. Nëse nuk do të isha unë, do të ishin tani gjashtë luftëra të mëdha. India do të luftonte me Pakistanin,” tha Trump.
Presidenti amerikan shtoi se u kishte thënë liderëve të të dyja vendeve se, nëse do të shpërthente një luftë, nuk do të kishte më tregti me SHBA-të. Kjo është hera e disatë që Trump thekson në deklarata e tij se ka evituar një luftë të mundshme Serbi-Kosovë.
