Një operacion i përbashkët nga policitë greke dhe shqiptare ka rezultuar në arrestimin e nëntë personave dhe shpalljen në kërkim të tre të tjerëve, të lidhur me një grup kriminal që orkestroi vjedhje rrobash në Athinë. Grupi, i udhëhequr nga 54-vjeçarja Oliota Lama, përfshinte anëtarë të familjes së saj dhe kryente të paktën një vjedhje në ditë. Ata favorizonin dyqanet që nuk dispononin mekanizma mbrojtës ose përdornin pajisje të specializuara për të hequr etiketat anti-vjedhje.
Rrobat e vjedhura transportoheshin me autobus nga Athina në Tiranë, ku shiteshin në një dyqan të grupit dhe përmes publikimeve në Tiktok. Gjatë operacionit, policia sekuestruar mbi 71 mijë euro, një sasi të madhe rrobash të vjedhura, pajisje elektronike, magnetë anti-vjedhje dhe mjete për heqjen e etiketimeve të sigurisë. Hetimet e Krimeve të Athinës zbuluan gjithashtu 14 vjedhje të tjera në dyqane të ndryshme.
Të arrestuarit në Greqi përfshijnë Oliota Lama, Sami Lama, Leonard Lama, Vangjeli Mesi, Elidon Kamberi, Bledar Ademi, Edmond Sava dhe Iliana Sava. Në Shqipëri, është arrestuar Estela Kapo, 49 vjeçe, ndërsa në kërkim janë Ervin Lama, Enerik Kapo dhe Emiliana Ademi.
Policia vazhdon hetimet për kapjen e personave të shpallur në kërkim dhe për zbardhjen e plotë të aktivitetit kriminal të këtij grupi.
