Policia italiane ka arrestuar nëntë persona të dyshuar për grumbullimin e rreth 7 milionë eurove për Hamasin gjatë një periudhe më shumë se dy vjeçare, duke ii paraqitur këto donacione si ndihmë humanitare për civilët palestinezë. Sipas një deklarate zyrtare, fondet u mbledhën përmes një sistemi të ndërlikuar financiar dhe u devijuan në mbështetje të grupit militant, përkundër qëllimeve humanitare.
Si rezultat i hetimeve, autoritetet sekuestruan gjithashtu mbi 8 milionë euro në asete. Të dyshuarit akuzohen për kryerjen e operacioneve financiare që sipas hetuesve kontribuan në aktivitete terroriste. Arrestimet janë realizuar në kuadër të një operacioni të përbashkët mes njësisë italiane kundër terrorizmit dhe policisë financiare.
Hetimi nisi pas sulmit të Hamasit më 7 tetor 2023 në Izraelin jugor, pas të cilit policia analizoi një sërë transaksionesh financiare të dyshimta, disa prej të cilave ishin kryer pak para sulmit. Rrjeti i mbledhjes së fondeve kishte selinë e tij në Xhenova, me degë në Milano. Donacionet, që ishin për popullsinë civile të Gazës, rezultuan se 71% e fondeve përfunduan në arkën e Hamasit, duke mbështetur krahun e tij ushtarak dhe duke ndihmuar familjet e kamikazëve ose personave të ndaluar për terrorizëm.
Ky rast tregon nivelet e larta të ndërlikimit në financimin e aktiviteteve ilegale dhe shfrytëzimin e qëllimeve humanitare për të mbështetur terrorizmin. Hetimi vazhdon, ndërsa policia përpiqet të zbulojë më tej rrjete të tjera të mundshme potencialisht të përfshira në këtë skemë të ndërlikuar.
