Turistët që kishin humbur në Llogora, dy suedezë nënë e bir, janë gjetur pas disa orësh kërkimesh në afërsi të vendit Qafa e thellë. Policia e Vlorës njofton se ata janë në gjendje të mirë shëndetësore dhe po shoqërohen në drejtim të qytetit të Vlorës.
Të dy turistët, 61 dhe 23 vjeç, u raportuan të humbur në mesditën e sotme, pas një ekspedite që kishin nisur për të eksploruar Parkun Kombëtar të Llogarasë. Ata kishin përshkuar një pjesë të parkut dhe pyjeve, por kontaktoni me ta ishte ndërprerë pas disa orësh.
Një problem i rëndësishëm ishte mungesa e sinjalit telefonik në anën shqiptare të gadishullit të Karaburunit, gjë që bëri që sinjali SOS i dërguar nga turistët të kapet nga autoritetet greke. Emergjencat greke, pas marrjes së sinjalit, njoftuan menjëherë autoritetet shqiptare për situatën.
Në terren u angazhuan forcat e Emergjencave Civile dhe specialistët e zonave të mbrojtura, të cilët gjetën turistët rreth orës 12:30 të natës. Kjo përfundoi një situatë të tensionuar për ata që ndodheshin në kërkim, duke sjellë një zgjidhje të shpejtë dhe efektive për të siguruar kthimin e sigurt të turistëve.
