Nëna lehonë që u arrestua pasi lindi dhe që dje u lirua, Diana Bahçja mbrëmë u bashkua me foshnjën duke e marrë në krah. Ajo tha se qëndrimi në burg ka qenë shumë i vështirë, ndërsa tregoi edhe indiferencën e policisë.
“Ishte e vështirë. Nuk e përballoja dot. Me zor kam qëndruar në burg duke qarë. Kam pasur dhimbje trupit. Djalin e gjeta mirë. Ishin kujdesur burri dhe vjehrra.
Kur shkova në polici më thanë je e dënuar. Më thanë nuk duam të dimë që ke lindur, nuk kemi lidhje me atë punë. Do vijë policia e Tiranës për të marrë.
Nuk kam qenë në dijeni për gjobën, për asgjë. Në burg kam qëndruar vetëm. Kanë qenë ditë të vështira” tha ajo.
