GRAMSH- Kreu u Bashkisë Grash, Besion Ajazi në një deklaratë para mediave ka folur në lidhje me helmimin e fëmijëve në kopshtin publik të këtij qyteti. Ajazi gjatë fjalës së tij u shpreh se prej 5 ditësh raportohet se kopshti ka kontratë me një kompani kateringu. Ai theksoi se kompania furnizon me ushqime kopshtin dhe më pas gatimi bëhet në ambientet e institucionit.
Ajazi më tej tha se ende nuk dihet shkaqet dhe autorët por shtoi se rasti nuk është aq masiv sa është raportuar në media. Ai thas e 14 raste janë të konfirmuar me salmonelë dhe se alerti është në fazën drejt fundit.
“Kemi të bëjmë me një rast, një fakt që janë evidentuar disa raste me bakterin salmonela në një kopsht publik. Kanë 5 ditë që mediat që thonë kateringu kemi të bëjmë me furnizim nga një kompani dhe gatim në ambientet e kopshtit me kuzhinier të kualifikuar.
Ne nuk i dimë as autorët dhe as shkaqet, ne jemi në alert për gjendjen e vogëlusheve. Fatmirësisht nuk kemi të bëjmë më një rast masiv qe kolegët tuaj thonë dhe nuk janë të vertëta. Nuk ka katering por ka gatim nga vetë stafi i kopshtit. Nuk ka helmim të 72 raste por 14 raste të konfirmuar. Nuk ka mungesë të frigoriferit, ai është aty,” tha ai.
