ITALI- Një 52-vjeçar shqiptar i kërkuar në të gjithë Evropën, është vënë në pranga pas 19 vitesh në arrati. Durin Lusha u vu në pranga nga autoritetet italiane në në Taviano, në provincën e Leçes.
Karabinierët e kapën atë në një tavolinë në një bar në qytetin e Salentos dhe e arrestuan. Një tatuazh i një gruaje gjysmë të zhveshur në parakrahun e tij të djathtë ishte dhe shenja që e identifikoi se ishte ai.
Lusha ishte dënuar me 10 vjet burg për drejtimin e një organizate italo-shqiptare për shfrytëzimin e grave të reja të huaja, kryesisht nga Shqipëria, për prostitucion. Për t’i shpëtuar arrestimit, 52-vjeçari kishte ndryshuar edhe emrin e tij në pasaportë.
