Dorëzimi i Topit të Artë 2024 për lojtarin e Manchester City Rodri dhe jo te sulmuesi i Real Madrid Vinicius Junior është kthyer në një çështje të vërtetë politike.
Tani është një konflikt total mes Real Madrid dhe redaksisë së France Football, me hijen e UEFA-s në sfond. Vendimi i klubit Blanco dhe veçanërisht i presidentit të tij Florentino Perez, për të bojkotuar ceremoninë në Paris, që është kritikuar në mbarë botën, ka acaruar France Football, revistës që, nga viti 1965, ndan çmimin për lojtarin më të mirë në botë, duke mbledhur votat e juristëve të tij. E tani përplasja është frontale.
Kryeredaktori i gazetës franceze ka treguar se ka ndier presion nga klubi madrilène, ndërsa zemërimi në kampin e Real Madrid nuk është shuar aspak. Madje, sipas prestigjiozes Marca, deklaratat nga Valdebebas se klubi nuk dëshiron më të dinte asgjë në lidhje me çmimin e France Football tejkalojnë një hakmarrje të thjeshtë.
Vinicius, Ancelotti dhe Real Madrid ishin gati të udhëtonin për në Paris të dielën. Braziliani madje kishte njoftuar familjarët dhe miqtë për të festuar së bashku në kryeqytetin francez, por të hënën në mëngjes kur kuptuan se Vinicius nuk do të fitonte, Florentino Perez vendosi të anulojë gjithçka.
Ajo që acaroi presidentin e Real Madrid ishte roli i UEFA-s si partner i mbrëmjes gala të Topit të Artë, duke nxitur dyshimet se vendimi për të mos ia dhënë çmimin një lojtari të Real Madrid nuk ishte i rastësishëm.
Gjithçka lidhet me konfliktin me Ceferin rreth Super League, shpjegon Marca.
Real Madrid e vlerëson Rodri si lojtar dhe nuk ka asgjë kundër mesfushorit të City; lufta është me France Football dhe UEFA-n.
