Chelsea Clinton ka kritikuar ashpër Donald Trumpin për “shpërfillje të historisë” dhe për shkatërrimin e karakterit historik të Shtëpisë së Bardhë për shkak të rinovimeve të tij, duke përfshirë ndërtimin e një salle të re vallëzimi. Në një artikull të publikuar në gazetën USA Today, ajo e akuzoi presidentin për “mungesë respekti për historinë” dhe vuri në dukje se ndryshimet që ai bëri janë shumë më të debatueshme se ato të presidentëve të tjerë.
Clinton, e cila u zhvendos në Shtëpinë e Bardhë në vitin 1993 në moshën 13 vjeç dhe jetoi atje gjatë presidencës së babait të saj, Bill Clinton, e theksoi se shtëpia nuk i përkiste kurrë asaj personalisht, por ishte “Shtëpia e Popullit”. Ajo argumentoi se autoriteti presidencial për të bërë rinovime nuk justifikon mungesën e transparencës, konsultimit dhe llogaridhënies ndaj historisë.
Reagimi i Chelsea Clintonit dhe postimi i saj në Twitter u bënë virale, duke shkaktuar reagime të ndryshme nga ndjekësit. Disa kritikë e shfrytëzuan këtë moment për të kujtuar skandale të kaluarës, veçanërisht ato të lidhura me Monica Lewinsky, duke sugjeruar se historia e familjes Clinton në Shtëpinë e Bardhë kishte po ashtu momente të sikletshme.
Ndërsa diskutimi rreth rinovimeve të Shtëpisë së Bardhë vijon, Chelsea Clinton përsëriti rëndësinë e ruajtjes së karakterit historik të këtij institucioni kombëtar, duke theksuar që rinovimi duhet të jetë në harmoni me trashëgiminë dhe historinë e vendit. Kritikët e presidencës Trump e shohin këtë çështje si një reflektim të madhe të tensioneve historike dhe politike që kanë shoqëruar mandatin e tij.
