Bota e filmit dhe televizionit është në zi pas ndarjes nga jeta të Remo Girones, aktorit italian të njohur nga publiku shqiptar, i cili vdiq në moshën 76-vjeçare në Monte Karlo, ku jetonte prej vitesh. Girone fitoi famë në fillim të viteve 1980 falë rolit të tij memorabël si Tano Cariddi në dramën televizive “La Piovra”, ku luajti rolin e antagonistit të paguar nga mafia.
Karriera e tij artistike shtrihej përtej këtij roli, duke përfshirë performanca në teatër dhe kinematografi, si dhe bashkëpunime me artistë ndërkombëtarë. Ai lindi në Asmara më 1 dhjetor 1948 dhe filloi të aktronte qysh herët në moshë, duke lënë pas dore studimet në ekonomi dhe biznes për t’u regjistruar në Akademinë e Arteve Dramatike. Suksesi i tij më i madh filloi në vitin 1987 me “La Piovra”, ku roli i Tano Cariddis e vendosi përfundimisht në majat e botës së aktrimit.
Përveç karrierës, Girone kishte një marrëdhënie të gjatë me aktoren Viktoria Zini, partneren e tij që nga vitet 1980. Jeta e tij përfshinte edhe sfida, përfshirë një betejë me kancerin gjatë xhirimeve të “La Piovra”, nga e cila ai doli me guxim dhe vendosmëri.
Me zërin e tij të thellë dhe aftësinë për të sjellë emocion në personazhe kontraverse, ai krijoi një praninë magnetike në skenë dhe la një gjurmë të pashlyeshme në historinë e filmit dhe televizionit. Pas vdekjes së tij, shumë fansa dhe kolegë po kujtojnë kontributin e tij të vyer në artin e aktrimit.
