Kuvendi i Shqipërisë nisi këtë seancë me një minutë heshtje në nderim të mbretëreshës Elisabeth, e cila u nda nga jeta pak ditë më parë.
Kryetarja e Kuvendit, Lindita Nikolla dha propozimin për 1 minutë heshtje, teksa tha se ajo njihej si simbol i stabilitetit në gjithë botën.
“Një lajm i hidhur për të gjithë botën ndarja e mbretëreshës Elisabeth të Britanisë së Madhe. Mbretëresha ishte simbol i stabilitetit për Britaninë e Bashkuar dhe për gjithë botën. Në shenjë nderimi ju ftoj të mbajmë një minutë heshtje për mbretëeshën Elisabeth” tha Nikolla.
