Duke nisur nga dita e martë çmimet e karburanteve në Maqedoninë e Veriut janë më të shtrenjta. Nafta shitet me 93,50 denarë për litër, që referuar kursit zyrtar të këmbimit llogaritet në 177,82 lekë/litër. Komisioni Rregullator i Energjetikës dhe i Shërbimeve të Ujit miratoi vendimin, nëpërmjet të cilit rriten çmimet me pakicë të karburanteve mesatarisht 0,46% në raport me vendimin e datës 18 gusht.
Në vendim, Komisioni Rregullator thekson se çmimet referente të karburanteve në tregun botëror, në krahasim me përllogaritjen e mëparshme, shënojnë ulje te benzina mesatarisht 0,065%, te nafta ka rritje mesatarisht 2,069 USD/ton, te vaji ekstra i lehtë ka rritje mesatarisht 1,971 USD dhe te mazuti ka rritje mesatarisht për 1,557 USD. Ndërkaq, kursi i denarit në raport me dollarin krahasuar me 18 gushtin është më i lartë prej rreth 0,5%.
Bazuar në këto të dhëna çmimet e shitjes me pakicë të benzinës 95 oktan rriten me 0,50 denarë/litër duke u shitur jo më shumë se 89 denarë/litër, ose 169,3 lekë. Edhe çmimet e shitjes me pakicë të benzinës 98 oktan rriten me 0,50 denarë/litër duke u shitur jo më shumë se 91,5 denarë/litër, ose rreth 173 lekë. Ndërsa, çmimet e shitjes me pakicë të naftës eurodiezel ulen me 1,50 denarë/litër duke u shitur jo më shumë se 93,5 denarë, ose 177,8 lekë.
