Rreth 16 mijë banorë të bashkive Tepelenë dhe Përmet po përballen me vështirësi të mëdha për marrjen e shërbimeve shëndetësore, për shkak të mungesës së mjekëve specialistë në spitalet e tyre. Ky problem është veçanërisht i theksuar në Tepelenë, ku spitali ofron vetëm dy mjekë dhe nuk ka shërbime të specializuara. Ndërkaq, spitali i Përmetit funksionon pa asnjë mjek specialist, duke detyruar qytetarët të kërkojnë ndihmë jashtë zonës së tyre.
Shumë banorë janë të detyruar të udhëtojnë për në Gjirokastër për shërbime të specializuara, ndërsa në disa raste udhëtimi shkon deri në spitale të Fierit, Vlorës apo Tiranës. Kjo situatë krijon një barrë të madhe financiare dhe psikologjike për familjet, të cilat duhet të nisin udhëtime të gjata për të marrë ndihmën që u nevojitet, shpesh herë duke mos arritur të marrin përgjigjjen e duhur.
Në sfond të kësaj situate, spitalet lokale po zbrazën nga mjekët, dhe pacientët vazhdojnë udhëtimin e tyre për shërbime, pa siguri se do të gjejnë zgjidhje për problemet shëndetësore që kanë. Kjo krizë në ofrimin e shërbimeve shëndetësore thekson nevojën për një reformë urgjente në sektorin e shëndetësisë për të përmirësuar aksesin dhe cilësinë e shërbimeve për banorët e këtyre zonave.
