Autoriteti Kombëtar i Ushqimit (AKU) ka bllokuar një sasi prej 5 ton djathë “Gouda” dhe 944 kg fileto pule nga kompania “Tona” për shkak të mungesës së etiketimit në gjuhën shqipe. Ky veprim u ndërmor pas kontrolleve të ushtroara nga Drejtoria Rajonale e AKU-së në Tiranë, ku u konstatuan shkelje të ligjit mbi etiketimin dhe gjurmueshmërinë e produkteve ushqimore.
Sipas njoftimit të AKU-së, trupa inspektuese vuri re se produktet kishin mungesë të kundëretiketa në gjuhën shqipe, duke shkelur kështu kërkesat ligjore. Në përputhje me legjislacionin në fuqi, autoriteti ka marrë masa administrative, përfshirë një gjobë për subjektin e involvuar. Bllokimi i produkteve do të qëndrojë në fuqi deri në rregullimin e dokumentacionit dhe plotësimin e standardeve të kërkuara për etiketimin.
AKU ka theksuar angazhimin e tij për të siguruar ushtrimin e kontrolleve rigoroze në të gjithë zinxhirin ushqimor, me qëllim mbrojtjen e shëndetit dhe interesave të konsumatorëve. Autoriteti vazhdon të informojë publikun për situatën në treg dhe për të garantuar që konsumatorët të kenë informacion të saktë mbi produktet ushqimore.
