KINË- Një 3-vjeçar në Kinë mbijetoi mrekullish pas rënies nga kati i 18-të i një ndërtese. Ngjarja që mund të kishte përfunduar në tragjedi ndodhi në qytetin Hangzhou, provinca Zhejiang. Fëmija i vogël ishte nën kujdesin e gjyshërve të tij.
Gjyshërit mësohet se dolën për të blerë ushqime pasi menduan se fëmijën e ka zënë gjumi. Kur 3-vjeçari u zgjua, shkoi në banjo e u ngjit në tualet. Aty ai doli nga një dritare e pambyllur që nuk kishte shufra sigurie, duke rënë poshtë.
Një banor e gjeti djalin të shtrirë në tokë, filmoi skenën dhe e postoi videon. Vetëm pasi pa videon, babai i djalit mësoi se fëmija i tij kishte rënë. Pamjet e kamerave të sigurisë treguan fëmijën duke kaluar nëpër një dritare të hapur në katin e 18-të, duke ndryshuar kursin dhe duke rënë në degët e një peme përpara se të binte me fytyrë në një shkurre në tokë, në vend që të binte direkt mbi beton.
Fëmija i vogël pësoi një frakturë në krahun e majtë, në shpinë dhe dëmtime në organet e brendshme, por koka e tij mbeti e paprekur dhe ai ishte plotësisht i vetëdijshëm. Familja lidhi një lule të madhe të kuqe rreth pemës që “pristi” rënien e fëmijës, një simbol nderi dhe falënderimi në kulturën kineze.
