Xhuli Meçaj, motra e të dhunuarit Altin Meçaj, ka bërë një apel të fortë për drejtësi pas publikimit të disa mesazheve në rrjete sociale, të cilat ajo i konsideron të manipuluara. Duke folur për mediat, ajo kërkoi që ngjarja të trajtohet me qetësi dhe pa spekulime, duke i lënë organet e drejtësisë të zbardhin të vërtetën.
Xhuli theksoi se familja e saj kërkon një hetim të plotë dhe transparent, duke nënvizuar rëndësinë e mosparagjykimit para vendimit të drejtesisë. “Ne nuk mbajmë përgjegjësi për disfatat që vajza ka pasur në jetë,” shprehu ajo, duke shtuar se përhapja e akuzave dhe interpretimet e pabazuara po rëndojnë mbi ta.
Pavarësisht situatës delikate, ajo shprehu respekt për familjen Lamaj dhe theksoi se dhuna ndaj një të moshuari është e papranueshme. Megjithatë, familia Meçaj nuk ka ndërmend të hakmerret apo të përshkallëzojë konfliktin. “Kërkojmë vetëm drejtësi dhe zbardhje të së vërtetës,” tha ajo, duke apeluar për ndalimin e gjuhës së urrejtjes dhe presionit publik mbi palët e përfshira.
Institucionet përgjegjëse pritet të vazhdojnë hetimet për të sqaruar rrethanat e ngjarjes, ndërsa familjarët insistojnë që çështja të trajtohet me seriozitet dhe sipas ligjit, duke shmangur kështu një “gjyq publik.”
