MAT– Një aksident rrugor me pasojë vdekjen ka ndodhur mbrëmjen e sotme në aksin rrugor Burrel-Komsi.
Drejtuesi i një motomjeti ka humbur kontrollin mbi drejtimin e tij dhe ka dalë nga rruga. Si pasojë drejtuesi i motomjetit ka marrë lëndime të rënda dhe ka ndërruar jetë në spital. Grupi hetimor, po punon për zbardhjen e shkaqeve dhe rrethanave të aksidentit.
NJOFTIMI I POLICISË:
Mat/ Informacion paraprak
Rreth orës 21.40, në aksin rrugor Burrel-Komsi, shtetasi E.B., rreth 41 vjeç, duke drejtuar një motomjet, dyshohet se ka humbur kontrollin mbi drejtimin e tij dhe motomjeti ka dalë nga rruga. Për pasojë drejtuesi i motomjetit ka humbur jetën në spital.
Grupi hetimor në drejtimin e Prokurorisë, po punon për zbardhjen e shkaqeve dhe rrethanave të aksidentit.
