Moti i rënduar ka shkaktuar probleme në lagjen Beqirefend të Delvinës, një nga lagjet më të vjetra të qytetit. Janë regjistruar rrëshqitje të dukshme të dheut, që kanë arritur deri mbi disa shtëpi, megjithatë fatmirësisht nuk kanë shkaktuar dëme të mëdha. Një masiv i madh dheu ka rrëshqitur dhe ka prekur një qepariz 500-vjeçar, i cili ndodhej në zonë.
Shërbimet e bashkisë Delvinë si dhe banorët e lagjës kanë qenë aktivë në terren për të menaxhuar situatën, duke u angazhuar për stabilizimin e zones së prekur. Situata aktuale tregon nevojën për kujdes dhe mbikëqyrje të vazhdueshme pas këtyre veprimeve natyrore, për të evituar çdo incident të mundshëm në të ardhmen.
