Moti i keq, shoqëruar me reshje të dendura shiu ka shkaktuar problematika të shumta në disa qarqe të vendit. Në aksin Prekal-Breglumi, në qarkun e Shkodrës ka patur rënie gurësh dhe dherash, si dhe mungesë energjie në Vaun e Dejës e Hajmel.
Dëme gjithashtu janë shkaktuar kryesisht në infrastrukturën rrugore dhe në kanalet kulluese e ato vaditëse.
Po ashtu në rrugën e Dukagjinit ka pasur rrëshqitje dherash e gurësh për të cilat është duke u punuar me një fadromë për hapjen e rrugës. Ndërkohë, në Theth një natë më parë pati prurje të shumta të lumit të Shalës, por fatmirësisht pa pasoja të rënda.
Autoritetet thonë se janë në terren dhe po punojnë për riparimin e dëmeve të shkaktuara, si pasojë e reshjeve të shiut.
